gulli.is

Fögnum með músík góðu gengi Samfylkingar

	Fylgi Samfylkingar og Framsóknarflokks eykst
Tilkynna um óviðeigandi tengingu við frétt

Fylgiskannanirnar eru farnar að gefa raunsærri mynd að því hvernig kosningarnar muni enda. Eftir því sem fleiri ákveða sig þeim mun betur gengur Samfylkingunni. Hvers vegna ætli það sé?

Sjálfstæðisflokkurinn á mjög erfitt með að ná í nýja kjósendur. Þeir eiga erfitt með það því erindi þeirra við þjóðina nú er óljóst. Hvaða erindi á Geir H. Haarde við okkar þjóð?

Það er klárt mál að flokkurinn og Davíð Oddsson átti erindi við þjóðina er hann fór í ríkisstjórn árið 1991. Vel var ágengt og til varð opið samfélag og fjármálageirinn einkavæddur. Sumarið 2003 upplýsti Hannes Hólmsteinn í sjónvarpsþætti að eldmóður hans væri nú minni vegna þess hve vel hefði gengið að breyta samfélaginu á þann veg sem var stefnt að. Hans erindi var lokið. Davíð Oddsson hvarf af vettvangi þegar hann hafði lokið sínu erindi.

Það eina sem Geir lofar er að halda áfram á sömu braut. Ef ég man rétt þá sagði hann í nærmynd á Stöð 2 að hann væri ekki mikill hugsjónamaður. Það getur verið stórhættulegt að vera sífellt á sömu braut án þess að gera sér grein fyrir hvert sú braut mun leiða þjóðfélagið. Það er ekki nóg að hafa braut hún verður að hafa vel skilgreindan enda. Vonandi mun Geir H. Haarde ekki vakna upp einn góðan veðurdag og uppgötva sér til mikillar gremju að þjóðfélagið hafi breyst til hins verra því of lengi var haldið stefnulaust á sömu braut.

Það er mikilvægt að koma í veg fyrir að haldið verði stefnulaust áfram. Samfylkingin er augljóslega besti kosturinn fyrir þá sem vilja sterka og frjálslynda félagshyggjuflokka. 

	„Kosningamálin hafa dottið dauð niður"
Tilkynna um óviðeigandi tengingu við frétt