gulli.is

Mjög skemmtilegt verkefni þarna á ferðinni.  Kannski ég ætti að stofna einhvern sjóð sem tekur við peningum frá fólki sem vill friða samviskuna á einhverju sviði.  Pæling, enda hefur fólk nóg á milli handana.

Í dag verður kosið um breytingar. Það er gríðarlega þýðingarmikið að fólk fjölmenni á kjörstað og kjósi um bjartari framtíð. Ég fór á kjörstað og kaus rétt og það sama gera vonandi allir.

Ég kaus í Reykjavík Norður. Ég var fyrir margtlöngu búinn að ákveða hvar atkvæðið skyldi lenda. Í kjörklefanum leit ég yfir nafnalistana og styrkti það mína ákvörðun enn frekar. Valið í Reykjavík Norður er svo einfalt. Össur Skarphéðinsson er þar lang sterkasti pólitíkusinn. Hafi ég einhverntíma haft eitthvað álit á Guðlaugi Þór þá hvarf það endanlega, fyrir fullt og allt, í kosningabaráttunni. 

Ríkisstjórnin er handónýt. Ekki hefur mikið verið þjarmað að t.d. Geir H. Haarde. Hvaða erindi hann hefur við okkar þjóð er mér óskiljanlegt. En það er ljóst að það er til fólk sem dýrkar hann. Hér er hann hylltur sem guð.

Það hefur vantað brodd í sjónvarpsumræðurnar. Vonandi verða spurningar á þessa leið spurðar í lokaumræðum RÚV í kvöld. (því miður eru litlar líkur á því)

- Ætlar Geir H. Haarde að halda áfram á sömu braut okurvaxta og þenslu?  Sömu braut úreltar efnahagsstefnu með endalausum innspýtingum stórframkvæmda inn í hagkerfið sem kaffærir öll önnur atvinnutækifæri? Sömu braut einkavæðingar á einokunarmarkaði? Sömu braut hækkunar á húsnæðismarkaði sem gerir ungu fólki ókleift að fjárfesta í eigin húsnæði?

- Framsóknarflokkurinn lofaði 90% húsnæðislánum fyrir 4 árum til að aðstoða ungt fólk til að kaupa húsnæði.  Nú lofar Framsóknarflokkurinn hækkun á húsaleigubótum til að auðvelda ungu fólki að leigja húsnæði.  Jón Sigurðsson, ef Framsóknarflokkurinn heldur áfram sinni stjórnarsetu ætlar hann þá fyrir næstu kosningar að lofa úrræðum fyrir foreldra til að hafa ungt fólk lengur í heimahúsum?

- Hvaða flokkur vill lofa mér því að fara eftir ráðgjöf sérfræðinga um að besta staðsetning Háskólasjúkrahúss sé í Fossvoginum.  Ætla allir að lúffa fyrir Alfreð Þorsteinssyni sem með valdhroka sínum hefur lýst því yfir að enginn fái því breytt að háskólasjúkrahús verði byggt við Hringbraut.  Eða á valdabandalag Framsóknarflokksins, undir verndarvæng Sjálfstæðisflokksins, að ráða þessu eins og öllu öðru?

- Hvaða flokkur ætlar að koma í veg fyrir að samgöngumiðstöð verði byggð úr alfaraleið í Vatnsmýrinni?

- Er ekki augljóst að þegar horft er nógu langt fram í tímann að þá býður Reykjavíkurflugvöllur á Lönguskerjum lang mestu möguleikana?  Hann verður í góðum tengslum við sjúkrahús, miðbæ Reykjavíkur og nágranna sveitarfélög Reykjavíkur.  Á Ísland enga stórhuga stjórnmálamenn sem geta horft lengra fram í tímann en 4 ár?

- Hvernig sér Geir H. Haarde fyrir sér Ísland framtíðarinnar.  Hvaða erindi á hann við okkar þjóð nú?  Að hvers konar þjóðfélagi er hann að stefna?  Eða ætlar hann að æða stefnulaust áfram á sömu braut, í átt að bandarísku samfélagi?

- Tekur Geir H. Haarde undir stefnu næstu kynslóðar Sjálfstæðismanna í SUS sem ætla m.a. að skrúfa fyrir ríkisstyrkta mennta- og menningarstarfsemi?  Mun Geir H. Haarde kjósa Sjálfstæðisflokkinn þegar fólkið í SUS er komið til valda í flokknum, eða er framtíðarsýn Geirs sú sama og SUS en hefur gleymt því að nefna það í kosningabaráttunni?

- Mun Geir H. Haarde halda áfram með sovéskar aðferðir í atvinnusköpun líkt og fyrir austan?  Eða ætlar hann að hætta að búa til störf og snúa sér frekar að því að búa hér til umhverfi þar sem atvinnulíf getur blómstrað?  Kárahnjúkavirkjun og álversframkvæmdir hafa kaffært aðrar aðtvinnugreinar.  Tekur hann undir stefnu Samfylkingarinnar um hið Nýja atvinnulíf?

- Geir H. Haarde hvernig fer núverandi Landbúnaðarkerfi saman við stefnu flokksins?

- Geir H. Haarde hvað hefur ávinnst með því að leyfa ekki pörum yngri en 24 ára að giftast þar sem annar aðilinn er frá landi utan EES?  Er samviska þín alveg hrein með svona lög í landinu?

- Geir H. Haarde megum við eiga von á öðrum fjölmiðlalögum frá þér?  Þú varst nú til í að ritstýra aðeins fjölmiðlum þegar þú fórst í laxveiðiferð í boði banka árið 2003.

- Jón Sigurðsson getur þú fullyrt að ekki verði tap á Kárahnjúkavirkjun?  Verður framkvæmdin innan almennra arðsemismarka?  Hefði ekki verið skynsamlegra að beina þessari miklu fjárfestingu í eflingu á stoðþjónustu á austurlandi og búa til umhverfi þar sem ný atvinnustarfsemi getur þrífst?

Það er mér gjörsamlega óskiljanlegt afhverju fröken Paris fái ekki frið. Hvað kemur okkur það við hvað einhver dama út í heimi er að aðhafast. Hvað hefur hún unnið til þess að vera svona áhugaverð?

Það eru nú teknar myndir af öðru fólki líka án þess að það þurfi að vera í fréttunum. Um daginn var t.d. skotið myndum af flestum stjórnarmönnum UJR. Fallegt fólk. Og nú er mun líflegra að lesa greinina mína og annarra.

Samfara kosningabaráttunni hefur UJR.is verið í smíðum. Það gengur það vel í kosningabaráttunni að við verðum að fylla upp í frítímann með einhverju uppbyggilegu :)

Ég man ekki betur en að það hafi verið Ingibjörg Sólrún sem setti á dagskrá afnám launaleyndar.

Þetta útspil VG kemur ekki mikið á óvart. Aðrir flokkar hafa verið ansi duglegir að líkja eftir Samfylkingunni.

Annars er mjög mikilvægt að ekki sé hægt að múlbinda fólk með klausum um launaleynd í samningum.

Sjálfur hef ég mikið skrifað um launaleynd.