Hvernig titil á maður að setja á bölvaða steypu?

Það var að morgni að ég gekk út. Leit til himins. Sagði Hallelúja og sagði hæ við fuglinn. Ég settist á reiðskjótinn og þeysti af stað. Þegar ég kom að hraðbrautinni tók ég snöggan sveig út á götuna líkt og svartur köttur. Ég fór framhjá einum bíl og þeim næsta. Loks datt ég í lukkupottinn. Bíll númer 3 hæfði mig. Nú gat ég farið aftur að sofa.

Hvurn andskotann á þetta að þýða? Þetta sagði maðurinn aftur og aftur. Án efa var hann geðbilaður. Án efa hafði hann rétt fyrir sér. En hafði hann þennan rétt á að endurtaka þetta yfir mér? Hvurn andskotann átti það að þýða?

Bókin, vinur minn. Bókin sem ég kynnist og hleypi inn í sálu mína. Bókin minn helsti óvinur. Bókin sem ég skanna og sleppi innri dýrð. Konan vinur minn. Konan sem ég kynnist og hleypi inn í sálu mína. Konan minn helsti óvinur. Konan sem ég skanna og sleppi innri dýrð.

Ég vaknaði í morgun, og bauð góðan daginn. Ég þakkaði vekjaraklukkunni fyrir að hafa vakið mig. Ég þakka gemsanum fyrir að hafa vakið mig. Ég þakka útvarpinu fyrir að hafa vakið mig. Allir fengu sína venjubundnu snertingu þennan morguninn. Ég stóð upp og heiðraði fötin með því að leyfa þeim að príða mig. Sjónvarpið fékk sitt klapp og tölvan sitt faðmlag. Því næst las ég blaðið og fékk það skammir fyrir að hafa tafið mig. Ég hljóp út í bíl sem opnaði fyrir mér ánægður í bragði. Hann tjáði mér að nóttin hefði verið erfið og býsna veðrasöm. Hann var þó ánægður þegar ég tjáði honum að hann væri enn jafn unglegur og hann var fyrir tveimur árum. Bíllinn tjáði mér að hann hefði spjallað við bíl vinkonu minnar og ákváðu þeir að hittast yfir kvöldverði. Ég bað fyrir góðu orði fyrir mína hönd. Bíllinn tjáði mér þá að þetta væri tvöfalt stefnumót og að nærveru minnar væri óskað. Ég sló til. En þegar ég spurði vinkonu mína hvort hana hlakkaði ekki til kvöldsins kom upp úr krafsinu að bíllinn hennar hafði ekkert rætt við hana. Hún sagði mig geðveikan…

Haloscan comment:

Færðu inn athugasemd

Netfang þitt verður ekki birt. Nauðsynlegir reitir eru merktir *